Footer

Alad ti pagadalan, dinungpar ti lugan

SANTIAGO, Ilocos Sur – Maysa a lugan ti napukawan iti preno ket dinungparna ti alad ti maysa a pagadalan iti barangay Dan-ar, a nakasugatan ti pahinante ti lugan.

Nagsagrap iti pannakadundunor iti nadumaduma a paset ti bagina ni Joel Bragado, 24, pahinante, ket naitaray iti Candon General Hospital para iti pannakaagasna.

Iti inisial nga imbestigasion ti polis,  agturturong iti abagatan a direksion ti Isuzu Tanger, addaan plaka AVV-188, a minaneho ni Elpidio Bernardo, 55, residente ti Barangay 21, San Nicolas, Ilocos Norte, idi nagpukaw ti preno ti lugan a puon ti saan a nakakontrolan ti drayber iti manibela ket dinungparna ti alad ti Dan-ar Elementary School.