Footer

1 natay, kritikal ti sabali iti aksidente

STO. DOMINGO, Ilocos Sur – Maysa ti natay idinto a kritikal ti kinaluganna kalpasan a dinungparda ti puon ti narra iti barangay Nagbettedan ditoy itay lawasna.

Natay ni Charlie Tagay, baro, idinto a grabe ti sugat ni Jobert Tobias, 16, 2nd year high school student gapu kadagiti sugatda.

Segun iti report, agpapaabagatan a direksion ti Honda XRM a nagluganan dagiti dua ket iti nagpikuran ti nasao a barangay, naawan ti kontrol ti nagmaneho iti manibela a puon ti panangdungparda iti narra.

Naipuruak dagiti biktima iti akindaya a paset ti kalsada ket nakaro a nasugsugatda.

Naideklara nga awanen ti biag ni Tagay idi maidanon iti Gabriela Silang General Hospital.