Footer

Eskuelaan, sinerrek dagiti mannanakaw

SANTA MARIA – Perdision bagas, agraman tuyo.

Daytoy ti naganab dagiti di pay am-ammo a mannanakaw a nangserrek iti nasurok sangapulo a kuarto ti Sta. Maria West Central ditoy ngem awan a pulos ti nakurimesda.

Nagreport ni Mrs. Avelina Gatdula, principal, iti kuerpo ti polis gapu iti panakastrek dagiti nadumaduma a kuarto ti eskuelaan .

Pakairamanan kadagiti sinerrek dagiti mannanakaw ti school canteen, district supervisor’s office, principal’s office, library, kuarto dagiti Grade 1B ken D, Grade 2C, Grade 3A ken B, ken Grade 4 B ken C.

Nakastrek dagiti agtatakaw kadagiti nasao a kuarto babaen ti panangdadaelda iti padlock ti main door ken panangdadaelda iti bobeda ti canteen.

Mapapati a nagpupudotan dagiti mannanakaw a dinadael dagiti 50 a nakapaso a mula gapu ta awan ti nakurimesda.

Comments are closed.