Footer

Awanen hueteng iti Rehion I: PNP Director

SAN FERNANDO CITY – Kinuna ni P/Supt. Nicanor Casaclang, agdama nga officer in charge ti PRO1,  nga agtultuloy ti kapolisan iti Ilocos iti nainget a kampaniana kontra sugal ken saanda nga ipalubos nga agraira manen ti maiparparit a sugal iti rehion a masakupanda.

Kanaig daytoy, impannakkel ti turayen ti PNP-Region 1 nga awanen ti operasion ti maiparparit a sugal a hueteng iti rehion uno iti sanguanan ti nainget a panangmonitor dagiti intelligence agents ti Anti-Gambling Special Operation Task Force kadagiti pro-probinsia a mapapati a pagrairaan ti hueteng.

Iti damag a rinuk-atan ti PNP Rehion I itay nabiit, naammuan nga inwayatna ti napinget a tignay a mangpaksiat iti hueteng iti rehion, kas sungbat iti nailian a kampania ken ti one-strike policy ti PNP maikontra iti daytoy illegal a sugal.

Segun pay iti PNP Region I, ti panagsardeng ti hueteng iti rehion ti mangipaneknek nga awan kinapudnona ti alegasion ti Krusadang Bayan Laban Sa Sugal a ti PNP ti operator ken protektor iti hueteng.

Dinawat ti PNP Region I ti panakipagmaymaysa dagiti umili iti polis para iti pannakapugipog iti nasao a sugal tapno naan-anayen nga agsardeng daytoy nabayagen a problema.

Comments are closed.