Footer

Lalaki, pinaltogan ti pinainomna

SANTA, Ilocos Sur – Iti panangipagarup ti biktima, awanen ti guranggura iti nagbaetanda iti suspetsa ta nagkappiadan ngem adda gayam im-impen ti naud-udi kenkuana.

Naduktalan laengen daytoy ni Nelson Aquino, 41, naasawaan, residente ti Banaoang, ditoy, kalpasan a pinaltogan ti suspetsa a nabigbig a ni Leo Aquino, residente iti Namalangan ditoy met la nga ili.

Segun ken ni Nelson, naginomda pay ken ni Leo kalpasan iti panagbayadna iti utangna iti maysa a tienda iti Namalangan, Santa ket dina impagarup a paltogan daytoy.

Nagsagrap ni Nelson iti sugat iti agsumbangir a sakana, ken makannawan nga imana kalpasan a pinaltogan ni Leo iti cal. 45.

Naitaray ni Nelson iti Gabriela Silang General Hospital a nakatamingan dagiti sugatna. Saanen a nakapan iti Manila tapno asikasuenna ti aplikasionna a mapan iti ballasiw-taaw.

Kinuna ni Nelson nga idarumna ti suspetsa.

Comments are closed.