Footer

Ti Pangngeddeng ti Labus a Dapan Adda kenka

Ti keddeng ti kaipapanan ti umagibas a pul-oy
ti nawaya nga arep-ep

Ni Leonardo Rosqueta Agunoy
Brgy. Baresbes, Dingras, Ilocos Norte.

 

Ti keddeng ti kaipapanan ti umagibas a pul-oy
    ti nawaya nga arep-ep
    ti nasidap a sirmata
Ta aganninawda a karit ti kinapudno

Adda kenka
No kasano iti dumalan iti desdes
Ti labus a dapan
Nga ur-urayen dagiti ruangan
Ti kanigid ken kanawan

Adda amin kenka a keddeng
Bukodmo a panangidalan
Ti labus a dapan

Adda kenka
No madalupoka iti kasiitan
    Iti nakiro a dana
No nagbiddutka iti keddengmo
Isu nga ulitem manen
Ti umaddang…

Comments are closed.