Footer

96 motorista, tiniliw dagiti polis

VIGAN CITY – Nakurang a sangagasut a motorista ti tiniliw dagiti traffic aides ditoy gapu iti panaglabsingda iti linteg a nakaigapuan ti pannaka-impound dagiti luganda iti nagpatnag agingga a dida nasaka dagitoy.

Impalgak ti Vigan City Department of Public Safety ken ti PNP Traffic Division nga agdagup iti 96 dagiti motorista a tiniliwda iti operasion nga insayangkatda iti karabian ti Biernes, Oktubre 13.

Iti dayta a rabii ti pannakaangay ti maysa a musical concert iti University of Northern Philippines ket adu dagiti motorista ti nagturong iti nasao a pagadalan tapno agbuyada.

Kaadduanna kadagiti natiliw a motorista ti awanan lisensia ket na-impound dagiti lugan agingga iti saan a sinaka dagiti akinkukua.

Adu a motorista ti tiltiliwen  dagiti traffic aide gapu iti dida panangsurot kadagiti paglintegan iti siudad.

Comments are closed.