Footer

Karpintero, tinagbat ti seaman, natay

NARVACAN, Ilocos Sur – Natay ti maysa a karpintero kalpasan a tinagbat ti maysa a seaman ti tengngedna kabayatan a makiay-ayam iti tong-it iti maysa a lamayan iti maysa a barangay ditoy.

Nainaganan ti biktima a ni Mamerto Castillo, 54, ken agnaed iti barangay Bulanos ditoy lugar idinto a nabigbig ti masuspetsa a maysa nga Arnel Castillo, 39, maysa a seaman, ken kalugaran ti biktima.

Naammuan iti imbestigasion ti polis, a madama a makitongtong-it ti biktima iti lamayan ti kabarangayda idi simmangpet ti suspek, immasideg iti biktima, ket tinagbatna lattan ti biktima.

Dagus nga impatay ti biktima ti sugatna iti tengnged.

Insigida met a naglibas ti suspek. Iti pannakaisurat daytoy, birbiroken dagiti panakabagi ti linteg ti suspetsa.