Footer

Lalaki, napaltogan iti klub

SANTA MARIA, Ilocos Sur – Napan nagpalpaliwa iti klub ngem nakursonadaanda a puon ti nakapaltoganna.

Nagsagaba ni Dominador Salazar Jr., 28, residente iti Maynganay Sur, ditoy iti lima a sugat iti nadumaduma a paset ti bagina idi pinaltogan ti saan a nabigbig a lalaki iti uneg ti maysa a videoke bar iti Baliw Daya, daytoy nga ili.

Saan a nabigbig ti nangpaltog kenkuana a naglibas kalpasan ti pammaltog.

Iti imbestigasion ti polis, naammuan a madama ti panaginom ti biktima iti Aquino’s Videoke Bar idi kellaat nga immasideg ti masuspetsa a nakabado iti camouflage nga uniporme ken nakabonete, sana pinaltogan ti biktima babaen iti kalibre 45.

Naitaray iti Reyes Clinic and Hospital para iti panakaagasna, sa naiyalis iti Saint James Hospital.

Di pay ammo no ania ti motibo iti pammaltog. Agtultuloy met ti imbestigasion ti polis.

Comments are closed.