Footer

Estudiante ti CNHS, makisalip iti Natl Pop Quiz

CANDON CITY – Maysa manen nga estudiante ditoy siudad ti mangibagi iti probinsia iti nailian a salip.

Gapu iti panagballigina iti rehion, ni Roan Rubang, 4th year high school iti Candon National High School ti maysa kadagiti mangibagi iti uppat a probinsia ti Region I iti National Population Quiz a maisayangkat idiay General Santos City.

Kinunana a nupay isu ti nakagun-od iti umuna a pammadayaw iti rehion, narigatan ta nalalaing dagiti kinasangona a naggapu iti dibision ti Pangasinan, Ilocos Norte, La Union, ken Ilocos Sur.

Idi madamag no nakasaganan iti nasao a pasalip, insungbatna nga ipanna amin a kabaelanna a mangiyawid iti pammadayaw para iti Candon City ken iti probinsia.

“Nagrebioak a nalaing maipapan iti population, reproductive health, family planning, contraceptives, ken dadduma pay a adda pakainaigan iti populasion,” innayonna.

Kadua ni Rubang a mapan idiay General Santos City ti coachna a ni Froilan Alusen ken Dra. Manzano ken uppat nga estudiante a mangibagi iti region.

Comments are closed.