Footer

Sangsangaili, naiwalang

MAGSINGAL, Ilocos Sur – Maysa a sangsangaili ti naiwalang iti igid ti kalsada nasional a saklaw ti Barangay Barbarit ditoy itay lawasna.

Nasarakan ti bangkay ni Rogelio Miguel, Jr., 37, baro, mannalon, residente ti Columbia, Vintar, Ilocos Norte a nagsagrap kadagiti bagsol iti nadumaduma a paset ti bagina.

Nabigbig ti biktima babaen ti ID iti petakana.

Segun iti inbestigasion dagiti polis ditoy, napan nakipabuniag ti biktima a kaduana ti ulitegna idi Sabado, Nob. 4, iti pagtaengan ni Dominica Sabado iti Barbarit ket iti alas 5 iti malem, naggawiddan nga aguliteg.

Ngem iti di ammo a rason, nagsubli ti biktima iti pabuniagan tapno ituloyna ti aginom. Mapapati a nagpaamianan kalpasanna ti biktima.

Kabigatanna, naduktalan laengen ti bangkayna a naiwalang iti igid ti kalsada nasional.

Di pay ammo no ania ti motibo wenno kinasiasino dagiti pimmatay kenkuana.

Comments are closed.