Footer

Nagkasakas iti barut ti koriente, natiliw

BANTAY, Ilocos Sur – Uray dagiti barut ti elektrisidad nga us-usaren dagiti mannalon a pagpataray iti bomba ti danum a pagpasayakda iti talonda, saanen a pakawanen dagiti managdakdakes.

Tiniliw dagiti tanod ti Barangay Tay-ac ti maysa a Jeffrey Punio, 25, residente ti Zone 2 ditoy kalpasan a nasukalanda bayat ti panagpatroliada nga agkaskasakas iti barut ti koriente a kumamang iti kataltalonan.

Nakumpiska iti suspetsa ti 5 a kilos a barut ti koriente sa naipan iti police station ditoy.

Iti napalabas a bulan, uray dagiti barut ti elektrisidad iti nagtengnga a Govantes Dike ket kinasakas dagiti mannibrong.

Agingga ita, di pay ammo no asino ti nagisayangkat iti panagtakaw iti barut.

Comments are closed.