Footer

Ubing, nadungpar

SANTA MARIA, Ilocos Sur – Maysa nga ubing ti nadunor gapu iti panakadungparna iti campus ti maysa a pagadalan ditoy itay lawasna.

Nainaganan ti biktima a ni Raquel (parbo a nagan), nakurang a dua ti tawenna, taga Poblacion Sur, ditoy idinto a ni Marcial Mathias Agatep, 22, kalugaran ti biktima ti nakadungpar kenkuana.

Naammuan iti inisial nga imbestigasion nga agsardeng koma ni Agatep a nakalugan iti mini Cruiser, addaan plaka ADR-859 iti sanguanan ti kantina ti Ilocos Sur Polytechnic State College idi nasapgidna ti ubing nga agay-ay-ayam.

Naitaray ti biktima iti Reyes Clinic and Hospital para iti panakaagas dagiti dunorna.