Footer

3 akusado ti panagrames, naaresto

PANGASINAN – Tallo a naakusaran a nagrames iti nagsina a kaso ti inaresto itay nabiit dagiti elemento ti Regional Intelligence Office 1 (RIO1), Pangasinan PPO ken ti Regional Intelligence and Investigatioin Division (RIID).

Naammuan ken ni PNP Regional Director Police Chief Supt. Leopoldo Bataoil a  naaresto da Arsenio Imasa iti Barangay Animal, Lupao, Nueva Ecija, ken dagiti agama a Leonido ken Danilo Bugarin, agnaed iti Villacorta, Mabini, Pangasinan, agpapada a naakusaran iti panagrames.

Naaresto ni Imasa babaen ti warrant of arrest a pinirmaan ni Judge Tica Rodriguez Villarin ti Regional Trial Court, Branch 46 at Urdaneta City, Pangasinan.

Nakalista ni Imasa iti DILG Memorandum Circular nga addaan iti gunggona ti makatiliw kenkuana iti P140,000.

Nakalista met dagiti agama a Bugarin iti DILG Memorandum Circular nga addaan iti naaaprobaran a gunggona a P140,000 ti makatiliw kadakuada.

Temporario a nakadetene dagiti tallo nga akusado iti RIO1 para iti dokumentasion sakbay a maipaimada iti korte a naggapuan ti warrant of arrest.