Footer

Kasangay, nagtungpal iti pammaltog

SINAIT, Ilocos Sur – Naiyulin ti kaso maikontra iti maysa a mannalon a nangpaltog iti kinainomna bayat ti selebrasion ti maysa a kasangay daytoy.

Naiyuli ti kaso a murder iti provincial prosecutor’s office maikontra ken ni Vincent Salvani Ingan, 37, naasawaan, mannalon, residente iti Barangay Namnama gapu iti panangpatayna ken ni Rosendo Cortez, 42, naasa-waan, laborer, residente iti Barangay Bariquir ditoy met laeng nga ili.

Segun iti inbestigasion dagiti polis, nagiinum ti biktima, suspetsa ken dadduma pay a kakaduada iti balay ti maysa nga inhiniero a nagkasangay idi mapapati a pinaltogan lattan ti suspetsa ti biktima nga awan ti gapuna.

Naitaray ti biktima iti hospital ngem naideklara nga awan biagna idi maisangpet iti balay pagagasan gapu iti sugatna iti barukong.

Birbiroken dagiti polis ti suspetsa a naglibas kalpasan ti pammaltog.