Footer

Soneto ti maysa nga iglesia

Matmatam ti aglawlaw, aniat’ makitam?
Kaykayo naputeddan, aniat’ aramidem?

Daniw ni Danilo Caburian
Balawarte, Agoo, La Union

Matmatam ti aglawlaw, aniat’ makitam?
Kaykayo naputeddan, aniat’ aramidem?
Ah, ta ni amam naranggas, dina inikkan pateg
Kinangayed ti aglawlaw.
Ta kenkuana pirak
Dagiti ginabsuon a tarikayo
dinan’ pinanunot masakbayam.
Ket ita mariknamon, kawaw gayamen ti ngayed
Naglulumba dagiti luam ta kasanom nga agasan
Ti narabngisen a paraisom?
Agbiag pay ngata ti itukitmo a bukel
Iti kimraangen a daga, iti kalbo a turturod?
Aglalo ket napaidam metten dagiti ubbog ken karayan
Uray bayakabak nagpauyon?
Ala, kaduaennak
Agitukitta latta tapno ti aglawlaw sumantak
Bareng mapasublita pay ‘di ngayed?

Comments are closed.