Footer

Chavit, dina kanunongan maiyalud-od termino nakatugaw nga opisiales

VIGAN CITY – Saan a kanunongan ti gobernador ti probinsia ditoy a maiyalud-od ti termino dagiti nakatugaw nga opisial iti pagilian.

“Saanko a kanunongan daydiay pannaka-extend dagiti opisiales; masapul nga ag-eleksiontayo tapno maikkan iti baro a mandate dagiti amin nga opisialestayo,” kinuna ni Gov. Luis “Chavit” Singson bayat ti pannakiuman kenkuana ti DWRS itay nabiit.

Kinuna ni Singson a masapul a mapatalgedan wenno “maaprobaran dagiti tattao ti liderestayo iti amin a posision” idinto nga inyunay-unayna a “narigat a ma-extend (dagiti opisial) a saan a naiskediul a kas nailanad iti linteg.”

“No ma-extendkami, kasla overstayingkami aminen,” kinuna ti gobernador sana innayon a “masapul ti eleksion tapno mapilitayo ti kayattayo (nga opisial) ken maaprobaran dagiti amin a posision ditoy probinsiatayo ken iti national level.”

Kinuna ni Singson a narigat a maikamakam ti plano da House Speaker Jose de Venecia a pannakabalbaliw ti konstitusion agsipud “ta awanen ti tiempo.”

Impalagip ni Singson a “manipud pay idi, saanko a kayat ti parliamento ta napimpintas ti federal government tapno napimpintas ti pannakadevelop amin a probinsia.”

Kinuna ti political kingpin nga iti babaen ti parliamento, maisentro amin a garawgaraw iti Manila ket amin a development dagidiay proyekto iti kada rehion, kada probinsia, saanda unay a mapansin; ngem no pederal, iti mismo rehion wenno probinsia ti mangkita kadagiti proyekto para iti pagsayaatan ti amin.”

Nupay kasta, kinuna ti gobernador a para iti grupoda, sumursurotda no ania ti takder ti partido.

Kinuna pay ni Singson nga iti probinsia, ikamkampania dagiti mamayor ti Charter Change ngem iti biangna, ibagbagana laeng a saan a maibagay ti parliamento iti pagilian.

Kinunana nga iti obserbasionna kadagiti parliamento iti lubong, nagulgulo dagiti pagilian nga adda iti babaen ti parliamento a kanayon nga agririri dagiti kamkameng a puon iti masansan a pannaka-dissolve ti gobierno.

“Saan a pagsayaatan ti dagatayo a Filipino, nangnangruna iti probinsia,” kinuna ni Singson.

Comments are closed.