Footer

Del Pilar, problemana ti kalsada

DEL PILAR, Ilocos Sur – Ti kalsada ti maysa kadagiti kangrunaan a problema ditoy gapu ta saan a makadaliasat dagiti agindeg nangruna no tiempo ti panagtutudo ken panagbabagyo.

“No kalgaw okey met ti kalsadami ditoy, ngem no panagtutudo, talaga a mapupokkamin gapu iti panagdinakkel ti danum ti waig,” kinuna ni Mayor Gilbert Ciriaco bayat ti interbio kenkuana ti DZTP Radio Tirad Pass ken Tawid News Magasin itay nabiit. sana innayon a dakkel ti pakaapektaranda ta saanda a maidaliasat dagiti produktoda iti baba.

Kinuna ni Ciriaco a bassit ti pundo ti ili, isu a bassit laeng ti mairingpasda a makongkreto a kalsada, ket kasapulanda ti dakdakkel a pundo tapno mairingpas dagiti kalsadada.

Innayon ti mayor a nangted ni Congressman Eric Singson iti P2 milion para iti panna-kasemento ti kalsada a San Emilio-Del Pilar road, ngem saan a nakaanay.

Nupay kasta, dinakamatna nga adda a P10 milion a pundo a ur-urayenda manipud iti DPWH.