Footer

Nalipit iti kiskisan, naitabon nga awan nangtunton kenkuana

Naitabon ti lalaki a nalipit iti kiskisan agsipud ta dida matuntonan dagiti kakabagianna iti Agusan del Norte.

Kinuna da  Daniel Serna ken Gerry Vasquez, empleado ti Albert Job Placement Services iti Caloocan City, a naitabonen ni Vergel Balmoria, 20, taga-Slaughterhouse, Butuan City, Agusan del Norte agsipud ta dida masapulan dagiti kakabagian ti natay iti probinsiana.

Iti inbestigasion dagiti polis, naammuan a madama a tumultulong ti biktima iti panagkiskis dagiti irik idi nakita laengen ni Corazon Cacas, asawa ti employerna, ni Anastacio Cacas, residente iti Limmansangan, Margaay ditoy, a naidalutaytay iti baba a nakalipit iti fan belt ti milling machine.

Naitaray ti biktima iti Central Ilocos Sur District Hospital ngem naiyalis ospital iti Vigan City gapu iti grabe a sugatna.