Footer

Napaltogan a mannalon, intarayna ti bagina iti ospital

CABUGAO, Ilocos Sur – Maysa a mannalon ti napaltogan iti dalanna nga aggawid iti maysa a barangay ditoy nga ili.

Napaltogan ni Roberto Ramos, 38, mannalon, residente iti Barangay Catucdaan ditoy idinto a nabigbig ti nangpaltog kenkuana a ni Richard dela Cruz.

Nagsagrap ni Ramos iti sugat iti kanawan nga imana ken kanawan a barukongna ngem inkarigatanna nga inkamang ti bagina iti Pira Clinic and Hospital sa naiyalis iti St. James Hospital iti Vigan City.

Segun iti inisial nga inbestigasion, kagapgapu da Ramos ken ni Benjamin Arreola iti kaparanget a barangay ket tumadogdan iti Catucdaan idi kellaat a nagparang ni dela Cruz sana pinaltogan ti biktima iti sumagmamano a daras.

Di pay ammo ti motibo ti pananggandatna iti biag ni Ramos.

Comments are closed.