Footer

2 a marijuana queen, natiliw

VIGAN CITY – Natiliw babaen iti nagsina nga operasion dagiti panakabagi ti linteg ti dua a masuspetsa a marijuana queen ditoy rehion uno.

Nainaganan dagiti natiliw a da Wilmalyn Madino Alacdis, 23, taga-Poblacion, Kibungan, Benguet ken ni Juliet Pagaden, 45, residente iti Amilongan, Alilem, Ilocos Sur.

Natiliw ni Alacdis idiay Ipet, Sudipen, La Union idinto a naaresto ni Pagaden iti pagtaenganda idiay Alilem babaen ti warrant of arrest nga imparuar ni Judge Francisco Ante, Jr., iti MCTC, Vigan City.

Nakumpiska ken ni Alacdis ti 2 a kilos ti marijuana bricks idinto nga 6 a kilo ti napagango a marihuana ken ni Pagaden.

Napatawan dagiti dua iti piansa a sag-P20,000.

Naisayangkat ti operasion babaen ti nagkaysa a puersa ti polis ti Alilem, Ilocos Sur, Sudipen, La Union, RIID, RMG ken PDEA.

Mapapati a kameng dagiti dua iti sindikato ti droga nga agrikrikorida iti Metro Manila, Tarlac, Cavite, Cordillera ken Ilocos region.

Comments are closed.