Footer

Sabali pay a kameng ti NPA, simmuko

CANDON CITY – Maysa manen a mapapati a sigud a kameng ti New Peoples Army ti boluntario a simmuko iti maysa a kameng ti polisia iti daytoy a siudad.

Nabigbig ti simmuko a ni Josue Bennagen, addaan iti naan-anay a tawen, ken residente iti Kinmarin, Salcedo. Mapapati a kameng ti KLG de Lara Command ni Bennagen.

Naisayangkat ti isusuko ni Bennagen babaen ti koordinasion ni Police Inspector Melecio Anneb, kameng ti polisia ti Candon City, ken taga-Salcedo met laeng.

Kinuna ni Insp. Anneb nga nagikkat a kameng ti NPA ni Bennagen idi Setiembre 2004, ket iti dayta a panawen, naguray iti umiso a gundaway a sumuko iti gobierno.

Itay Oktubre, mapapati a simmuko iti polis ni Alex Tan, maipagarup a kameng met ti KLG de Lara Command.

Ngem kinuna ni Tan a saan a simmuko kas alegasion ti polis ken saan a pudno ti maipadpadamag a kameng ti NPA.

Kinuna met ti amana nga isu ti umuna a mangisuko ken ni Tan no pudno nga NPA daytoy.

Comments are closed.