Footer

Lalaki, nakoriente, natay

BANTAY, Ilocos Sur – Maysa a lalaki nga aggigian iti maysa a barangay ditoy ti natay iti rabii ti Disiembre 10 kalpasan a nakoriente iti napugsat a barut.

Naideklara a natayen idi maidanon iti ospital ni Joel Ramos, 26, taga-Puspos ditoy ngem aggigian iti Banaoang iti daytoy met laeng nga ili gapu iti pannakakorientena.

Naammuan iti report ti polis nga agtaktakder ti biktima iti sango ti pagtaengan ti maysa nga ag-Borje idi kellaat a napugsat ti barut ti koriente gapu iti napigsa nga angin ket nagdisso iti nabasa a paset ti pagtaktakderanna a puon ti nakakorienteanna.

Naitaray iti ospital ngem saanen a naiyabot pay ti biagna.

Comments are closed.