Footer

Mangngalap, nabtakan iti bungbong

SINAIT, Ilocos Sur – Iti baet ti kampania ti gobierno ditoy maikontra iti panagbungbong, adda latta dagiti natangken ti ulona.

Ngem iti daytoy a gundaway, trahedia ti dimteng iti maysa a mangngalap ta nabtak ti bungbong sakbay a naipuruakna.

 

Nabtakan iti bungbong ti ima ni Rolando Navarro, 17, baro, residente iti Sabangan ditoy ket naisina ti tallo a ramayna.

 

Naammuan iti report a bayat ti kaadda ti biktima iti kabaybayan ditoy, nakakita iti pangen dagiti lames ket sinindianna ti kuyogna nga improvised a bungbong.

Ngem sakbay a naibatona ti bungbong, bimtaken iti imana.

 

Masansan dagiti reklamo iti illegal a panagbungbong kadagiti kabaybayan ditoy probinsia.

Comments are closed.