Footer

2 natay, 1 serioso iti aksidente

STA. MARIA, Ilocos Sur – Insigida a natay ti dua a lalaki idinto a serioso ti kaduada  kalpasan a dinungpar ida ti maysa a trak idiay sitio Runas, barangay Suso, iti daytoy nga ili.

Nainaganan dagiti natay a da Richard Nathan Arcaina, 22, residente iti Sumagui, Sta. Maria ken ni Ernesto Vargas, Jr., 23, residente iti Turod, Narvacan, kabayatanna a grabe dagiti sugat ni Sherwin Corrales, 18, iti Margaay, Narvacan, Ilocos Sur.

Segun iti inbestigasion ti polis, ag-overtake koma ti Fuso truck, gasoline tanker, addaan iti plaka TEK-737, ken minaneho ni Roberto Pachica, 46, ken residente iti San Agustin, San Fernando La Union ket nadungparna ti  chop-chop a Dio a minaneho ni Richard Nathan a kalubbonna da Vargas ken Corrales.

Natay nga insigida da Nathan ken Vargas  idinto a naitaray iti ospital ni Sherwin tapno maagasan.

Simmuko iti polis ti drayber ti truck.

Comments are closed.