Footer

Baket, nadukotan iti tiendaan

CANDON CITY – Maysa a baket ti biniktima dagiti agdudukot itay nabiit kabayatan ti kaaddana  iti tiendaan publiko ditoy siudad.

Nabigbig  ti biktima a ni Carolina Galano Tabuso, 74,  ken residente iti Bagani Ubbog iti daytoy a siudad.

Iti report iti polisia, naammuan a nadlaw ti biktima a silulukat ti bagna bayat ti kaaddana iti maikadua a kadsaaran ti Candon Public Market ditoy tapno gumatang iti regalona para kadagiti appokona.

Naduktalan laengen ti biktima nga awanen ti pitakana a naglaon iti P4,000, nadumaduma nga ID, ATM card ken resibo,

Kinuna ti biktima nga immuna a napan iti public market sa simrek iti D Partners RTW ket dina siguraduen no sadino ti nakadukotanna.

Comments are closed.