Footer

Misis, nagbaro a tawen iti ospital gapu iti aksidente

STA. MARIA, Ilocos Sur – Pinalabas ti maysa a misis ti baro a tawen iti ospital gapu iti pannakadungparna iti motorsiklo.

Nabigbig ti biktima a ni Arlene Cacho, 47, ken residente iti Poblacion Sur, ditoy idinto a nainaganan ti naka-dungpar kenkuana a ni Antony Jaum, 23, awanan iti lisensia, ken residente met iti nasao a barangay.

Iti imbestigasion ti pulisia, naammuan a magmagna ti biktima iti igid ti kalsada idi  dinungpar ti napaspas a motorsiklo nga XRM, awanan plaka ken minaneho ni Jaum.

Naguyod ti biktima iti kalsada a puon ti nakasugatan iti ulo ken nadumaduma a paset ti bagina ket naitaray iti Reyes Clinic and Hospital sa naiyalis iti St. James Hospital iti Vigan City.

Nasugatan met ti driver ken naitaray iti Central Ilocos Sur District Hospital para  iti panakaagasna. Saan a naan-ano ti kinalubbon ni Jaum iti motorsiklo.

Comments are closed.