Footer

Pundo para drainage canals iti Vigan City, naaprobaran

VIGAN CITY – Inanamongan itay nabiit ti konseho ti siudad ditoy ti pannakailatang a tinawen ti gatad a P5 milion manipud iti annual development plan  a maaramat a pangipasdek ken agtultuloy a pangtarimaan kadagiti kanal nga adda iti sakup ditoy.

Kinuna ni Konsehal Audie Agdamag, chairman ti  committee on environment and sustainable development, a babaen ti pannakailatang a tinawen ti napag-aanamongan a gatad, nabulbulanoston ti panangipasdek iti kanal agingga iti naan-anayen a pannakakumpletoda.

Maipalagip a kadagiti napalabas a tawen, saan a nailanad iti ADP ti tinawen a pannakailatang ti kasapulan a pundo para iti pannakaipasdek ken pannakatarimaan dagiti nadumaduma a drainage canals ditoy siudad.

“Inanamaentayo a babaen kadaytoy a sistema, naan-annayaston ti pannakataming dagiti drainage canalstayo ditoy siudad ti Vigan,” kinuna ni Agdamag.

Comments are closed.