Footer

2 balud, nakalibas

SALCEDO, Ilocos Sur – Dua a balud ti nakalibas itay nabiit iti pagbaludan ti Philippine National Police iti daytoy nga ili.

Bayat ti pannakaisurat daytoy a damag, di pay natiliw dagiti polis da Roland Gadun, residente iti Caoayan, Bongabon, Mindoro ken ni Ricardo Aglibot Ligue, residente met iti Amguid, Candon City, Ilocos Sur.

Naammuan ti DZTP Radio Tirad Pass ken ti Tawid News Magasin iti polis a nakalibas dagiti balud babaen ti panangputedda iti babassit a rehas ti likud a tawa ti pagbaludan.

Insigida a nangisayangkat iti manhunt operation dagiti pannakabagi ti linteg ngem dida pay nasarakan dagiti balud.

Da Gadun ken Ligue dagiti suspek a mapapati a nangpapatay ken ni sigud a Sangguniang Bayan Member Amado Bilaoen iti daytoy met laeng nga ili idi Oktubre iti napalabas a tawen.