Footer

Pasahero, natinnag iti traysikel

GALIMUYOD, Ilocos Sur – Maysa a babai ti nasugatan iti nadumaduma a paset ti bagina idi natinnag iti traysikel a naglugananna bayat nga agdaldaliasat iti kalsada ti barangay Daldagan iti daytoy nga ili.

Nabigbig ti biktima a ni Liberty Guilambo, 31, ken residente iti Poblacion.

Naammuan iti inbestigasion a naglugan ti biktima iti maysa a TMX 155 a traysikel, awanan plaka, ken minaneho ni Estella Sabado, 25, ken kalugaran ti biktima.

Kabayatan nga agdaldaliasat ti lugan iti Salcedo-Candon road, partikular iti sanguanan ti simbaan Katoliko iti daytoy nga ili nga agturong iti daya a direksion, nag-overtake ti sabali a traysikel, ket tapno maliklikan ti aksidente, bigla nga insikko ti driver ti lugan a nakaigapuan ti panakatinnag ti biktima.

Nagsagrap ti biktima iti sugat iti nadumaduma a paset ti bagina ket naipan iti Resonable Clinic and Hospital para iti panakaagasna.

Comments are closed.