Footer

Lalaki, napaltogan iti videoke bar, natay

CANDON CITY – Saanen nga immabut pay a sibibiag iti ospital ti maysa a lalaki a napaltogan iti maysa a videoke bar ditoy.

Nainaganan ti biktima a maysa a  Rey Molina, 40, ken residente iti San Nicolas ditoy siudad ngem saan a nabigbig dagiti suspetsa.

Iti inbestigasion ti pulis, naammuan a nakatugaw ti biktima iti sanguanan ti counter ti Cheers Carinderia and Videoke iti Barangay Oaig Daya, idi dua a lalaki a nakakallugong ti simrek ken nagorder iti dua a botelia ti beer ken tallo a token

Segun iti maysa a saksi a managan Mylene Ramos, madama nga agtitext idi makangeg iti kanalbuong a   kasaruno ti pannakatuang ti biktima.

Nagsagrap ti bida iti sugat iti kannigid a lapayag ken kannigid nga abagana. Mapapati a kalibre 45 iti igam nga inaramat dagiti suspetsa.

Insigida a naglibas dagiti suspetsa kalpasan ti pammaltog.

Naitaray iti ospital ti biktima ngem natay bayat iti pannakaagasna.

Comments are closed.