Footer

Agtatapaw iti angin nga ayat

Ni Aira Rowena Reyes Banglas
Brgy. Bucarot, Adams, Ilocos Norte

impintam ditoy barukong
namaris impintam nga ayat
makaay-ayo dagiti balikas
arkos-pakabuklan, impasdekmo
ayat namagpitik toy pusok

namaris ti aldaw kaniak
agdaydayyeng pusok iti ragsak
nagpaknin ni liday
ta toy pusok idi ket pinalteg-ranggas
a gubuay ayat a di mapagtalkan

simmangbayka a nangipinta
iti pusaksak ti agsapa
binatakmo toy pusok
iti yuyeng ni liday
pinamarismo ti sumangbay a bigat
ngem kellaat a napugsat ti kuerdas
nagpakni manen ti rimat
simmangbay manen ti lidem
ta ti ayat ken karim gayam
agtatapaw iti angin…

 

 

Comments are closed.