Footer

Budget officer, nadukotan iti tiendaan

CANDON CITY – Maysa a budget officer iti upland municipality ti nadukotan  iti kuarta bayat ti kaaddana iti tiendaan publiko ditoy itay nabiit.

Nadukotan iti P50,000 ni Wilfredo Orpilla,  budget officer iti Suyo, Ilocos Sur ken residente iti nasao met laeng a lugar.

Iti salaysayna iti polis, kinuna ni Orpilla a kagapgapuna iti Philippine National Bank a nangiruar iti kuarta ket nagturong iti tiendaan ta adda koma gatangenna ket dita a natakuatanna nga awanen ti tallo a bundle a kuarta a naikabil iti brown leather bag.  

Kinunana nga adda dagiti babai a nangdippit kenkuana ket suspetsana a dagitoy ti nangdukot iti kuarta.

Nagsawar dagiti polis ngem didan nasarakan dagiti suspetsa.