Footer

Tubal ligation, naisayangkat iti Narvacan

NARVACAN, Ilocos Sur – Kas maysa a wagas a panangkontrol iti populasion, nangisayangkat ti municipal health office iti tubal ligation kadagiti babbai a residente ditoy.

Iti panakiuman-uman ti media ken ni Dr. Diana Lim, agdama a Municipal Health Officer iti daytoy nga ili, kinunana a maysa daytoy a programa iti salun-at ni Mayor Edgar Zaragoza tapno matulongan dagiti kailianda a babbai a mangkontrol iti pamiliada.

“Libre ti tubal ligation nga ipaay ti municipal government, tapno maikkan importansia ti programa a panagplano ti pamilia,” kinuna ni Lim.

Dinakamatna a naisayangkat ti gannuat iti Central Ilocos Sur District Hospital, ket dagiti doktor ditoy ti  nangisayangkat iti tubal ligation.

Nupay kasta, inyunay-unay ni Lim a  saanda a mabalin nga isayangkat ti panag-ligate no awan ti pammalubos ti asawada.

“Masapul ngamin a nagtulaganda daytoy a ganuat,”  innayonna.

Kinuna ni Lim a mabalin met dagiti taga-sabali nga ili a makipaset iti daytoy a programa ngem agbayaddan.