Footer

Brgy Nutrition Scholars, maikkan iti insentibo

VIGAN CITY – Sumublat met dagiti 59 a barangay nutrition scholars ditoy a maikkan iti insentibo.

Insingasing ni Konsehal Felix Aninag kabayatan ti deliberasion iti regular session ti konseho ti siudad itay nabiit a maikkan met iti insentibo dagiti barangay health workers kas kadagiti barangay officials ken tanod ditoy siudad.

Naaprobaran bayat ti session ti Konseho ditoy itay Peb. 12 iti second reading ti Omnibus Ordinance a mangipaay iti insentibo kadagiti nasayaat ti panagtrabahoda a barangay officials ken tanod.

“No maikkan dagiti ad-adu ti bilangda nga opisial ti barangay ken tanod, apay a ditay ikkan iti performance incentive dagiti 59 laeng ti bilangda a barangay nutrition scholars ti Vigan?” kinuna ti konsehal a dati a chairman ti committee on health and social services.

Napagtitinongan dagiti konsehal a maisagana ti sabali nga ordinansa para iti  singasing ni Aninag.

Comments are closed.