Footer

Partera, inreklamo ti agassawa

SAN ESTEBAN, Ilocos Sur – Maysa a midwife ti inreklamo ti agassawa iti kuerpo ti polis ditoy.

Inreklamo dagiti agassawa a Bernardo ken Nelia Mariano, 53, residente iti Barangay Apatot, ni Magdalena Ayson, municipal midwife ditoy, gapu iti mapapati a panangpabain kadakuada ti partera.

Segun iti blotter, napan agpapirma da Mariano iti certificate of live birth ti apokona nga impasngay ni Marilyn Ponce nga anakda idi Desiembre 31, 2006.

Ngem mapapati a linaawan ken ininsulto ti partera ni Mariano ket imbagana a dina pirmaan ti sertipiko agsipud ta adda pay utangda kenkuana ta P300 laeng ti inted ti anakna idi nagpasngay daytoy.

Inrason ni Mariano a dida naited ti udida ta dida ammo no mano ti bayadanda idi.  

Kinuna da Mariano a naibabainda agsipud ta adu ti nakangeg iti pananglaaw ti partera kadakuada.