Footer

Sakripisio

Ikalikagum nagannak narimat a masakbayan

Tapno annakda maaddaan nasaliwanwan a biag

Ni Marison S. Magbual
Badoc, Ilocos Norte

 

Ikalikagum nagannak narimat a masakbayan
Tapno annakda maaddaan nasaliwanwan a biag
Laeng kadagiti annak maep-ep bisin
Ken isakripisioda kumawiwit nga iliw
Nga agbirok kapatgan a kuarta
Nga uray inyarado ti panagtrabahoda

Gapu ta kasapulan ti kuarta

Sakripisio puonan irubuat a masakbayan
Iti inaldaw a pangtrabahoda
Ket maep-ep dumdumges nga iliw
Gapu iti amak nga aglak-am iti bisin
Dagiti annakda aglak-am met sam-it ti biag

Wen, agurnongda iti panilpo ti biag

Nga uray iti kaunggan ket sumuknal ti iliw
Iti pamilia bayat ti panagtrabahoda
Maisaganaanda laeng narimat a masakbayan
Igaedda iti mangged iti nawadwad a kuarta
Tapno maadaywan annak dumikar a bisin

Igaedda mangged adu a kuarta
Anusanda ti dumikar a bisin
Tapno masuray ti masakbayan
Inyarado ti panagtrabahoda
Ket iliwliwagda ti asug ni iliw
Gapu ti karit ti biag

Wen, iggemda ti masakbayan
Dagiti annakda inspirasion panagtrabahoda
Maipananamda laeng imnas ti biag
Panagtrabahoda adda supapakna a kuarta
Ibturanda laeng ti iliw
Tapno annak dida aglak-am iti bisin

Kabayatan naunday a panagtrabahoda
Addan umdas nga urnongda a kuarta
Gapu iti sakripisio ken iliw
Karaman ti panagibtur iti bisin
Naisaaden ti salindeg ti biag
Kadagiti annak iti narimat a masakbayan

Iti amakda a malak-am iti nakana a bisin
Piklit nga ibturanda ti iliw

Gapu iti ayatda a rumang-ay iti biag
Agsayasay ti ling-et tapno adda ti kuarta

A supapak ti inyarado a panagtrabahoda
Magun-od laeng ti narimat a masakbayan

Comments are closed.