Footer

Salcedo, nanginngina ti panaggatangna iti irik

SALCEDO, Ilocos Sur – Tapno maay-ayo dagiti mannalon nga agpatanor iti bukel, nangatngato ti panaggatang ti agriculture office ditoy iti irik ngem dagiti komersiante iti Candon City.

Daytoy ti naammuan kabayatan iti interbio ken ni  Ismael Domino,  municipal agriculture officer ditoy.

“Tutuonanmi iti P3 dagiti gatangenmi a certified seeds kadagiti mannalon ditoy Salcedo tapno maay-ayoda nga agpatanor iti bukel,” kinuna ni Domino.  

Kinuna ni Domino nga agarup  16 nga ektaria ti namulaan iti certified seeds ngem bassit ti produksion dagiti dadduma a seed growers ta saanda unay a sinurot ti teknolohia.

Dagiti certified seeds ti maysa kadagiti kangrunaan nga imulmula dagiti seedgrowers ditoy a maalada babaen ti subsidy program ti agriculture office.