Footer

Hit and run

CANDON CITY – Naglak-am iti sugat iti nadumaduma a paset ti bagina ti maysa a lalaki idi dinungpar ti motorsiklo ti motorsiklona idiay barangay San Juan, daytoy a siudad.

Naitaray iti Candon General Hospital ni Jaime Flores, 65, ken residente iti barangay Calaoan, Candon City idinto a nakaro ti pannakadadael ti luganna a Lifan nga addaan plaka ZD-2915.

Iti inbestigasion ti polis, napasamak ti aksidente iti  sanguanan ti Petron Gasoline Station idi kellaat a nagsikko iti kannigid ti di nabigbig a naglugan iti motorsiklo ket nasapgidna ti lugan ti biktima a puon ti nakatulidan daytoy.

Imbes nga arayatenna ti biktima, naglibas ketdin ti suspetsa.

Naitaray ti biktima iti Candon General Hospital para iti panakaagasna. Di pay nabigbig ti nangdungpar kenkuana.

Comments are closed.