Footer

Nadara a Valentine’s Day celebration

BANTAY, Ilocos Sur – Nagtungpal iti pannakapaltog ti maysa a lalaki idi nakiriri ti grupona iti sabali a grupo kalpasan ti panagraragsakda iti maysa a videoke bar ditoy kas panangrambakda iti Aldaw ti Puso.

Napaltogan ni Alfredo Valera, 34, baro, agnaed iti San Julian, Bantay ket naitaray iti ospital tapno maagasan ti sugatna.

Segun iti inbestigasion ti polis, napan nagraragsak ti grupo ti biktima iti maysa a videobar iti Barangay Cabaroan ditoy gapu ta Aldaw ti Puso.

Ngem idi agawiddan iti agarup ala una iti parbangon, adda nakaririda a sabali a grupo a mapapati a naggapu met iti videoke bar a nagtungpal iti pannakapaltog ni Valera iti kannigid a sakana.

Naglibas ti suspetsa kalpasan ti pammaltog.

Nakarekobre dagiti polis iti iti dua a kapsula ken 2 a bala manipud iti cal. 45 iti nakapasamakan ti krimen.