Footer

Nagubor iti bus, dinanog ti drayber

STA. MARIA, Ilocos Sur – Sabali pay a bus ti naubor iti national highway ditoy ngem iti daytoy a gundaway, addan natiliw ti polis a suspetsa.

Segun iti report, agdaldaliasat ti Maria de Leon a minaneho ni Oscar Luagayan, residente ti San Nicolas, Ilocos Norte, iti national highway a sakup ti Barangay Maynganay, daytoy nga ili, idi mapapati nga inubor ti maysa a lalaki a nagaruat iti nalabaga a tisirt a nabigbig iti nagan a Joel Rapanut, 20, residente ti nasao a barangay a nakabuongan ti sarming ti lugan.

Inawis ti polis ti suspetsa iti estasion ket ditoy a mapapati a dinisnog ni Luagayan ti suspetsa idi naglibak daytoy nga isu ti nangubor iti lugan.

Mapapati nga agdarum nga agpadpada ti management ti lugan ken ti suspetsa.

Comments are closed.