Footer

17 naglabsing iti gun ban, karaman 3 polis, naaresto

12 iti Pangasinan, 2 iti Ilocos Sur, 2 iti Ilocos Norte

SAN FERNANDO CITY –  Sangapulo ket pito a tattao, karaman ti tallo a pannakabagi ti linteg ti naaresto gapu iti panagsalungasing iti gun ban iti nagsisina nga operasion nga insayangkat dagiti polis ditoy rehion .

12 iti Pangasinan, 2 iti Ilocos Sur, 2 iti Ilocos Norte

SAN FERNANDO CITY –  Sangapulo ket pito a tattao, karaman ti tallo a pannakabagi ti linteg ti naaresto gapu iti panagsalungasing iti gun ban iti nagsisina nga operasion nga insayangkat dagiti polis ditoy rehion .

Impakaammo ni ni P/Chief Supt. Leopoldo N. Bataoil, Director, Police Regional Office 1 nga inaresto dagiti polis ti 12 a tattao iti Pangasinan, 2 iti Ilocos Sur ken 2 iti Ilocos Norte gapu iti panaglabsing iti Commission on Elections Resolution No. 7764-A wenno gun ban.

Kinunana a kaadduanna kadakuada ti naaresto gapu iti illegal a panagikut iti nagduduma ti klasena a paltog idinto nga awan ti maipakita a dokumento ti gun ban exemption manipud iti Comelec dagiti dadduma.

Innayon ni Bataoil a kadagiti 17 a suspetsa, 15 ti nakasuan iti korte, maysa ti madama a maim-imbestiga ken maysa ti nawaswas gapu iti kaawan iti ebidensia.

Kinuna ni Bataoil nga iti uppat a probinsia iti Rehion 1, ti laeng La Union ti awanan pay iti kaso iti panagsalungasing iti gun ban.

Kinuna pay ti direktor a mangirusat ti opisinana iti mabiit iti peace covenant a pagpipinnirmaan dagiti kandidato nga agtaray iti lokal nga elected positions babaen ti pannakikammayyet ti Commission on Elections, Volunteers Against Crime and Corruption, Parish Pastoral Council for Responsible Voting ken nadumaduma a  media organizations tapno natalna ti masungad nga eleksion.

Comments are closed.