Footer

Gabriela Silang General Hospital, 7 district hospitals inikkan ti gobierno probl iti komendasion

VIGAN CITY – Saanen a padagsen iti provincial government dagiti ospital publiko ditoy gapu ta dimmakkelen ti mapastrekda.

Gapu iti daytoy, nangipasa ti konseho probinsial iti resolusion a mangipaay iti komendasion iti Gabriela Silang General Hospital ken dagiti pito a district hospitals iti probinsia.

Kinuna ni Bokal Jeremias “Jerry” Singson, pangulo ti committee on health, a napanunotanna daytoy a komendasion agsipud iti dakkel a ngimmatuan iti koleksion dagiti government hospitals iti 2006 no maikumpara iti 2005.

Nakapastrek dagiti ospital ti gobierno iti probinsia iti P5.9 milion para iti 2006 idinto a P2.9 milion laeng idi 2005 wenno 111% increase.

Dimmakkel ti napastrek amin dagiti government hospitals iti probinsia nga indauluan ti Gabriela Silang General Hospital.

Itay 2006, nakapastrek ti GSGH iti P3,103,000 idinto a P1,173,000 laeng idi 2005 wenno 76% increase.

Uray ti dua nga upland hospitals, ti Bessang Pass Memorial District Hospital ken Salcedo Medical District Hospital ket inreportda a dimmakkel ti koleksionda.

Idi 2005, awan ti naireport a napastrek ti Bessang Pass Memorial Hospital ngem itay 2006, adda P283,000 a napastrekna idinto a manipud iti P35,000 a napastrek ti Salcedo, nagbalin a P158,000 itay 2006 wenno 42% nga increase.

Tallo a kadakkelan iti increase ti napastrekda ti Sinait District Hospital, Sta. Lucia District Hospital, ken ti Magsingal District Hospital.

Ngimmato iti 350% ti napastrek ti Sinait District Hospital manipud iti P24,000 idi 2005 iti P108,000 iti 2006; 311% iti Sta. Lucia Dist. Hospital manipud iti P38,000 idi 2005 iti P158,000 itay 2006; ken 149% ti ngimmatuan ti napastrek ti Magsingal Dist. Hospital manipud laeng iti P43,000 idi 2005 iti P107,000 itay 2006.

Dimmakkel met iti 100% ti simrek iti Southern District Hospital iti Tagudin manipud iti 812,000 idi 2005 ket nagbalin a P1.7 milion iti 2006 idinto a nakapastrek met ti Central Ilocos Sur District Hospital iti Narvacan iti P490,000 para iti 2006 manipud iti P249,000 idi 2005 wenno 96% increase.

Innayon ni Singson a pammaneknek daytoy iti dumakdakkel a panagtalek dagiti umili kadagiti serbisio nga ipapaay dagitoy nga ospital ti gobierno iti probinsia.

Kinuna ni Singson a maragsakan iti daytoy a nagapuanan dagiti government hospitals iti probinsia ket inyunay-unayna ti agtultuloy a panangipaay dagiti health officials iti napimpintas pay a serbisio para kadagiti agindeg iti probinsia nangruna dagiti indigents.

Comments are closed.