Footer

Illegal recruiter, inaresto ti polis

STA. MARIA, Ilocos Sur – Inaresto ti polis ti maysa nga akusado iti illegal recruitment itay nabiit.

Naaresto ti akusado a ni Marino delos Santos, 40, baro, agnaed iti Laslasong West gapu iti kasona nga illegal recruitment.

Imet ti arresting team nga indauluan ni Chief of Police ditoy P/Insp. Renato Morales ti warrant of arrest a pinirmaan ni Judge Isidoro Pobre ti RTC Narvacan.

Naiyetnag ti P35,000 a piansa ti akusado.

Kabayatanna, naglak-am iti dunor iti rupa ni Rogelio Dasugo, 53, naasawaan, residente ti Barangay Lubong gapu iti panangdisnog kenkuana ni Modesto Foronda, 46, baro, residente iti Poblacion Sur itay nabiit.

Segun iti report, karuruar ni Dasugo iti maysa a videoke bar idi dinanog lattan ni Foronda nga awan ti gapuna.

Naitaray ti biktima iti Sto. Niño Clinic and Hospital para iti pannakaagas ti dunorna.

Comments are closed.