Footer

Negosiante, sangsangaili, natakawan

VIGAN CITY – Maysa a negosiante ti narabsut ti bagna a naglaon iti kuarta ken dokumento iti maysa a panganan ditoy itay nabiit.

Nagreklamo iti polis ni Fredelina Arola, 65, naasawaan, negosiante, residente iti Poblacion Norte, Sta. Maria, Ilocos Sur a rinabsut ti di nabigbig a lalaki ti bagna a naglaon iti IDna a kas senior citizen ken P20,000 a kuarta.

Naammuan iti inbestigasion a napan ti baket iti Chow King Food Haus tapno mangaldaw idi marabsut ti bagna.

Asideg laeng ti nasao a panganan iti city hall.

Idi Peb. 14, nadukot ti selpon ni Marivic Dayag Calimlim, 19, balasang, agnaed iti Caloocan, Santiago, Isabela bayat ti kaaddana iti tiendaan publiko ditoy.

Segun iti panagpalutpot dagiti polis, napan ni Calimlim iti tiendaan tapno gumatang iti pakalaglagipanna a bimmisita ditoy ngem idi agbayad, naduktalanna laengen a nakalukat ti bagna ket awanen ti selponna nga agpateg iti P18,000.

Alas 11:45 iti bigat idi madukotan ni Calimlim.

Comments are closed.