Footer

13 sumupsuporta iti rebelde a grupo, simmuko

SAN FERNANDO CITY – Sangapulo ket tallo a supporters ti  rebelde a grupo ti simmuko iti nagtitipon nga elemento ti polis ditoy itay nabiit.

Impakaammo ni Police Chief Supt. Leopoldo N. Bataoil, regional director, a simmuko itay Pebrero 16 dagitoy a supporters ti Marxista-Leninistang Partido ng Pilipinas – Rebolusyonaryong Hukbo ng Bayan (MLPP-RHB) kadagiti elemento ti Regional Mobile Group 1, (RMG), Regional Intelligence Division (RID), PRO-1, La Union Police Provincial Office (LUPPO), 2nd RMG Company ken Bagulin Police Station.

Impresenta ni Bataoil ken ni National Security Adviser Norberto Gonzales dagiti surrenderees a pakaibilangan da Walter Dangpilen alias Ka Joker, presidente ti Barangay Organizing Group (Grupong Tagapag-Organisa), Roger Galate alias Ka Jack, tesorero, ken dagiti kamkameng a pakairamanan da Antonio Galate, Dante C. Gomez,  Ruben T. Dalay-on, Mario D. Ronilo, Gregorio F. Abando,  Modesto De Leon, Antonio M. Dacumos, Theodor Polig, Seon Hullana, Narding Damulog, ken Leonora Flores.

Kinuna ni Bataoil a pammaneknek ti isusuko dagiti rebelde ti panagtalekda iti Bring Home a Comrade Project iti babaen ti programana a POLBAT nga iwaywayat ti  RMG nga idadauluan ni P/Supt. Dionicio Borromeo ken RID nga ipanguluan ni P/Supt.Marlou Chan.