Footer

Lalaki, nasarakan a tumtumpaw iti karayan

STA. MARIA, Ilocos Sur – Saan a nalmes no di ket napapatay  ti  bangkay a nasarakan iti karayan iti barangay Nagtupacan, Santa Maria, Ilocos Sur.

Nabigbig ti biktima  a ni Roy Cabradilla, 27, naasawaan, mangngalap ken residente iti barangay Nagtupacan iti daytoy nga ili.

Kinuna ti asawa ti biktima a ni Marlyn, itay Peb. 21 a nagpakada ni lakayna a mapan agkalap iti karayan ngem saanen a nagsubli.  Iti sumuno nga aldaw, nasarakan laengen ti tumtumpaw a bagina iti bangir ti karayan babaen ti kabsatna a ni Edwin Cabradilla.

Addaan ti biktima iti dua a tama ti paltog iti likud a gapuanan ti saan a masisinuo a kalibre ti paltog.