Footer

Military Merit Medal, naited ken ni P/Chief Supt. Bataoil

CAMP BGEN OSCAR M. FLORENDO, SAN FERNANDO CITY – Impaayan ti Northern Luzon Command (NOLCOM) ti Armed Forces of the Philippines iti Military Merit Medal ni General Leopoldo Bataoil, agdama a Regional Director ti PRO- gapu iti kampaniana iti kontra insurhensia babaen ti programana a “Bring Home a Comrade.”

Inyawat ni NOLCOM Chief Lieutenant General Bonifacio Ramos ti nasao a pammadayaw iti simple a programa a naangay ditoy itay nabiit.

Iti babaen ti liderato ni Bataoil, nagballigi ti kampania ti regional police office ditoy maikontra iti counter-insurgency a nagresulta iti panaka-neutralize dagiti sumagmamano a kameng ti Communist Party of the Philippines/New People’s Army/ National Democratic Front (CPP/NPA/NDF) ken ti KLG De Lara Group a pakaibilangan da Juan Donato, alias Johnny, nailista a No. 10 iti Order of Battle watch list; Rodrigo A. Bistikin, alias Ruby/Raul/Ruksan, No. 8 iti OB watch list; Antonio H. Ramirez, alias Aries, No. 25 iti OB watch list; Alexander C. Tan, alias Ilyong, No. 31 iti OB watch list; Jerwin R. Haban, alias Rome/Binoy, nailista a No. 34 iti OB watch list; Ronnie R. Arquero, #38 iti OB watch list; Josue A. Bennagen, alias Gener/Jessie/Jeric, No. 31 iti OB watch list; Romel Cruz alias Dindo/Raya, No. 42 iti OB watch list; Julian Del Rosario Marvil, alias Ryan; Gilbert V. Marvil alias Rico; Alvin M. Anong, alias Randon/Benjie;Jerome Ariola, alias Ronbie/Reymon;Rocky Marcelo, alias Dexter; ken Nestor M. Habon.

Karaman pay dagiti na-neutralize a personalidad dagiti kameng ti Marxista Leninista Partido ng Pilipinas-Rebolusyonaryong Hukbong Bayan (MLPP-RHB) a pakairamanan da Freddie B. Bayas, alias Jerome; Renita A. Baniwas, alias Lanie; Brando Batil Guillermo, alias Gullier; ken Roy T. Ducusin.

Comments are closed.