Footer

Traysikel, natakaw iti pagbasketbolan

VIGAN CITY – Intaray dagiti pay am-ammo a tattao ti maysa a traysikel a naiparking iti asideg ti pagbasketbolan iti maysa a barangay ditoy.

Nagpulong iti polis ni Froilan Porte, 22, residente iti Buquig, Bantay, Ilocos Sur a natakaw ti binulodna a traysikel iti nangiparkinganna kabayatan ti panagbuyana iti basketbol iti Barangay Capangpangan, ditoy.

Kinuna ti biktima a sinublatna ti traysikel iti kayongna, ni Roland de Peralta, ket naglugananda ken dua pay a kakaduana a napan nagbuya iti basketbol.  Naduktalanda laengen nga awan ti lugan iti nangipaigidanda idi madama ti ay-ayam.

Comments are closed.