Footer

Balay nasukisok, paltog, balbala nakumpiska

BANTAY, Ilocos Sur – Sinukisok dagiti polis ti maysa a pagtaengan ditoy ket nakakumpiskada iti paltog ken balbala.

Nasukisok ti balay ni Desiderio del Castillo, naasawaan, residente ti Ora West ditoy nga ili babaen dagiti kameng ti 103rd Provincial Police Mobile Group nga indauluan ni P/Chief Insp. James Mangili ket nakakumpiskada iti maysa a Winchester Model ‘97 Gauge 12 ken 11 a bala para iti 5.56 armalite.

Awan ni del Castillo ngem sinaksian dagiti opisial ti barangay ti pannakasukisok ti pagtaenganna.

Pinirmaan ni Judge Francisco Ante, Jr. ti City Trial Court ti Vigan City ti search warrant.

Naipan iti PPMG headquarters dagiti nakumpiska nga armas ken bala.

Comments are closed.